Առողջապահական համակարգում առկա են թափուր հաստիքներ, որոնց համար կարող են դիմել Արցախից բռնի տեղահանված բուժաշխատողները։ Այդ մասին հայտնում են ՀՀ առողջապահության նախարարության մամուլի ծառայությունից։
«Բարձրագույն և միջին բժշկական կրթություն ունեցողների համար հանրապետությունում առկա թափուր հաստիքների մասին տեղեկատվությունը հրապարակված է նախարարության պաշտոնական կայքում։
Բուժաշխատողների կրթական և զբաղվածության կարիքները վեր հանելու և հոգալու համար խնդրում ենք դիմել Առողջապահության ազգային ինստիտուտ՝ 096 14 40 83 հեռախոսահամարով, երկուշաբթիից ուրբաթ՝ ժամը 9:00-19:00-ը։
Արցախի Հանրապետությունից բռնի տեղահանված մեր հայրենակիցները հարցերի դեպքում կարող են դիմել նաև Առողջապահության ազգային ինստիտուտ, որտեղ նաև անվճար խորհրդատվություն է տրամադրվում»,– տեղեկացնում են նախարարությունից:
