Երեկ՝ հոկտեմբերի 3-ին, արտակարգ դեպք է տեղի ունեցել Երևանում: Ժամը 11:25-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Քանաքեռ-Զեյթուն վարչական շրջանի Ուլնեցի 1-ին փակուղու թիվ 2 ա/5 շենքի հարևանությամբ էլեկտրական լարեր են այրվում:
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի թիվ 5-րդ հրշեջ փրկարարական ջոկատից՝ 1 մարտական հաշվարկ:
Օպերատիվորեն ժամանել են նաև ՀՀ ՆԳՆ Ոստիկանության Պարեկային ծառայութան Երևան քաղաքի գնդի 2-րդ գումարտակի 1-ին վաշտի պարեկները՝ գումարտակի հրամանատարի տեղակալ Դավիթ Նիկողոսյանի գլխավորությամբ:
Տեղում տարածքը սահմանազատել են և հետաքրքրասեր քաղաքացիներին հրդեհի վայրից հեռացրել են պարեկներ Էդգար Ադամյանն ու Նվարդ Լևոնյանը, որպեսզի հրշեջների աշխատանքը չխոչընդոտվի, ինչը պարեկներին հաջողվել է:
Ըստ նախնական տեղեկությունների, պարզվել է, որ հրդհեը բռնկվել է Ուլնեցի 1-ին փակուղի թիվ 2ա/5 տանը (50 քմ, սեփականատեր Վալյա Գալստյան) այրվել է ննջասենյակի առաստաղը (մոտ 10քմ) և խորդանոցում կենցաղային իրեր (3 խ․մ)։
Ըստ նախնական տեղեկությունների, բարեբախտաբար, տուժածներ չկան:
Լուսանկարները՝ Սմբատ Պետրոսյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2023/10/04/1247593?fbclid=IwAR2zFXe-oDX1jegI-9Riv2VFFqX8Z5klT7ia_JUYPn6e3o7sonJ4x02Zvm8
