Դալիթան, որը համարվում է հայկական շոուբիզնեսի ամենաերկարավարս երգչուհիներից մեկը, որոշել է դիմել ոճափոխության։ 24-ամյա երգչուհին կտրել է վարսերն ու զարմացրել երկրպագուներին, որոնք, սակայն, դրական են արտահայտվել նրա նոր կերպարի մասին։
Դալիթան իր նոր սանրվածքը ցուցադրել է Instagram-ում հրապարակած ֆոտոշարքով։ Երգչուհի-դերասանուհին, որն այս շրջանում նկարահանվում է «Շանթ» հեռուստաընկերության «Իրար դեմ» հեռուստասերիալում, ներկայացել է վարդագույն օվերսայզ կոստյումով, որի ներքո կրում է սպիտակ տոպ, եւ կերպարն ամբողջացնում սպիտակ կոշիկներով։ Նրա նոր կտրվածքը շերտերով է, սակայն երգչուհին մազերի երանգի գունափոխություն չի կատարել։
