Բաքվի ծանր հնցագործությունների դատարանում այսօր շարունակվում է հուլիսին առևանգված ԼՂ բնակիչ, 68-ամյա Վագիֆ Խաչատրյանի գործով շինծու դատական նիստը։
Նիստը վարում է Բաքվի ռազմական դատարանի նախագահ Զեյնալ Աղաևը։
Դատավարության ժամանակ Խաչատրյանն ասել է, որ հրաժարվում է փաստաբան Նաթիգ Բեյբալաևի ծառայություններից։
Նշվում է, որ նոր փաստաբան է նշանակվել Ռադմիլա Աբիլովան, որի անաչառությունը, նչպես նախորդի դեպքում, հուսալի չէ, քանի որ նրանք բոլորը սպասարկում են Բաքվի շահերը:
Ինչպես հոկտեմբերի 13-ին հայտնել էինք, Լաչինի միջանցքում ադրբեջանցիների կողմից առևանգված Լեռնային Ղարաբաղի քաղաքացի Վագիֆ Խաչատրյանի շինծու «գործով» Բաքվում հերթական շոուն էր տեղի ունենում՝ «դատական նիստ» անվան տակ:
Նախորդ նիստում պարզվել են մեղադրյալի անձնական տվյալները և կայացել նախնական լսումներ։ Դատավորը, ըստ հաղորդագրությունների, իբր «մեղադրյալին» բացատրել է իր իրավունքները:
Պետական մեղադրող Մուգադես Սուլթանովը խնդրել էր գործը փոխանցել դատարան և չփոխել մեղադրյալի նկատմամբ խափանման միջոցը։
Քրեական գործի քննությունը նշանակված էր այսօր՝ հոկտեմբերի 17-ին։
Վագիֆ Խաչատրյանը նախորդ դատավարության ժամանակ եղել է հյուծված, նա նիստի ընթացքում գտնվել է խիստ հուզական ու ճնշված վիճակում, արտասվել է, ինչն արձանագրված է ադրբեջանական լրատվամիջոցների կադրերում:
Հիշեցնենք՝ արցախցի 68-ամյա տղամարդը առևանգվել էր Լաչինի միջանցքից, երբ փորձել էր Կարմիր խաչի միջազգային կոմիտեի ուղեկցությամբ Հայաստան տեղափոխվել բուժման նպատակով։
Առևանգված Վագիֆ Խաչատրյանի դեպքով Ադրբեջանի նկատմամբ միջանկյալ միջոց կիրառելու պահանջ է ներկայացվել Մարդու իրավունքների եվրոպական դատարան:
Ադրբեջանն Խաչատրյանին մեղադրում է 1991 թվականին տեղի ունեցած «Մեշալիի հանցագործության» համար։
