Բերձпրի միջանցքը պետք է անհապաղ բացվի, միջազգային համայնքը գործնական աջակցություն պետք է ցույց տա

Բերձորի միջանցքի բացումը անհետաձգելի հրամայական պետք է դառնա միջազգային համայնքի համար: Այդ մասին ասել է Մեծի Տանն Կիլիկիո Արամ Ա Կաթողիկոսը Լիբանանում Կանադայի դեսպանին:

Ի պատիվ Հայրապետի պաշտոնական ճաշ է տրվել, որին ներկա են եղել նաեւ այլ դեսպաններ: Հյուրասիրության ընթացքում 2 հիմնական հարց է քննարկվել՝ Լիբանանում նախագահական ընտրությունները եւ Արցախի հարցը:

Արցախի հարցին անդրադառնալով կաթողիկոսը շեշտել է Բերձորի միջանցքի անհապաղ վերաբացման անհրաժեշտությունը, որի պատճառով  120 հազար հայեր վտանգված են: Արամ Ա-ն նաեւ ընդգծել է Արցախի ժողովրդի ինքնորոշման իրավունքի ճանաչման հրամայականը եւ հույս հայտնել, որ այս ուղղությամբ միջազգային համայնքը իր գործնական աջակցությունը ցույց կտա:

Կիսվել սոց․ ցանցերում