Օգոստոսի 17-ին՝ ժամը 23։33-ին, Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Չարենցավան քաղաքի «Կանաչ» բենզալցակայանի մոտակայքում այրվում է ավտոմեքենա։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Շահումյան փողոցի սկզբնամասում «Մերսեդես-Բենց» մակնիշի ավտոմեքենան (վարորդ՝ Գ․ Մ․) դուրս է եկել ճանապարհի երթևեկելի հատվածից և հայտնվել ծառերի մեջ․ ավտոմեքենայում հրդեհ է բռնկվել, տուժածներ չկան։
Հրդեհը մեկուսացվել է ժամը 23:44-ին, մարվել՝ օգոստոսի 18-ին՝ ժամը 00:05-ին: Այրվել են ավտոմեքենայի շարժիչի և սրահի հատվածները:
