Այսօր՝ նոյեմբերի 26-ին, արտակարգ դեպք է տեղի ունեցել Լոռու մարզում: Ժամը 13:30-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Վանաձոր-Ստեփանավան ավտոճանապարհի Ստեփանավանի ոլորաններից մեկում հսկայական ծառը կոտրվել ու ընկել է ճանապարհով ընթացով Chevrolet Volt մակնիշի ավտոմեքենայի վրա, ու ճանապարհը երկկողմանի փակվել է:Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել է Լոռու մարզային փրկարարական վարչության թիվ 37 հրշեջ փրկարարական ջոկատից 1 մարտական հաշվարկ:Ժամանել են նաև ՀՀ ՆԳՆ ոստիկանության պարեկային ծառայության Լոռու մարզի գումարտակի պարեկները՝ գումարտակի հրամանատար Արմեն Բեժանյանի, գումարտակի ծառայության ավագ տեսուչ Արման Սուքիասյանի գլխավորությամբ:Տարածքը սահմանազատել և քաղաքացիների հետ տապալված ծառը հեռացրել են պարեկ Վազգեն Հովհաննիսյանն ու կրտսեր պարեկ Էդվին Ջիլավյանը: Ըստ նախնական տեղեկությունների՝ բարեբախտաբար, տուժածներ չկան:Պարեկային ծառայությունը պարզում է Chevrolet Volt-ի վարորդի ինքնությունը:Լուսանկարները՝ Արմինե Դանիելյանի
© https://shamshyan.com/hy/article/2023/11/26/1250905
Արտակարգ դեպք՝ Լոռու մարզում. Ստեփանավանի ոլորաններում հսկայական ծառը կոտրվել ու ընկել է ճանապարհով ընթացող Chevrolet Volt-ի վրա. ՖՈՏՈՌԵՊՈՐՏԱԺ
