Այսօր Երևանի «Միկա» մարզադահլիճում անցկացվող բռնցքամարտի պատանիների աշխարհի առաջնությունում Հայաստանը վաստակեց 4 մեդալ։
Այս մասին հայտնում է Հայաստանի բռնցքամարտի ֆեդերացիան։
Հայաստանի մեդալների թիվը բացել է 48 կգ քաշային Հեղինե Պետրոսյանը։ Մեր մարզուհին մրցել է ռումինացի Նիկոլետա Սկուրտի հետ ու հաղթել մեծ առավելությամբ։ Նա ապահովել է առնվազն բրոնզե մեդալ։
Պատանիների աշխարհի առաջնության քառորդ եզրափակչում Հայաստանը, ունի ևս մեկ հաղթանակ:46կգ քաշային կարգում Առնո Դարչինյանը, մրցում էր Էկվադորը ներկայացնող Ջաիր Բոնիլայի հետ՝ հաղթելով 5-0 հաշվով։
Փայլուն հաղթանակ քառորդ եզրափակչում նաև Տիգրան Հովսեփյանն է ապահովել․ 50կգ քաշային կարգում պատանիների Եվրոպայի չեմպիոնը մրցել է Զիմբաբվեն ներկայացնող Մոյո Քրեյիի հետ՝ հաղթելով 5-0 հաշվով։
Մրցումային 6 օրը ավարտվել է շքեղ հաղթանակով: 60կգ քաշային կարգում Անդրանիկ Մարտիրոսյանը մրցել է Բելառուս Վլադիսլավ Կաուրաուի հետ առաջին ռաունդը ավարտելով 5-0 հաշվով, Անդրանիկը երկրորդ ռաունդում աջ ձեռքի հուժկու հարվածով նախ նոկդաունի է ենթարկել մրցակցին։
Այսպիսով Հայաստանը ապահովում է առնվազն 4 բրոնզե մեդալ:
