Թուրքիայի Պաշտպանության նախարար Յաշար Գյուլերը երկրի խորհրդարանում 2024-ի բյուջեի քննարկումների ընթացքում հանդես է եկել ելույթով, որի ժամանակ անդրադարձել է նաև Հայաստան-Ադրբեջան հարաբերություններին:
«Այժմ կարևոր հնարավորության դուռ է բացվել Ադրբեջանի և Հայաստանի միջև մշտական խաղաղության հաստատման համար։ Հայաստանը նույնպես պետք է գործի այս գիտակցմամբ:
Մեր անկեղծ ցանկությունն է, որ Հայաստանը համագործակցության կեցվածք դրսևորի նախևառաջ իր հարևանների և ոչ թե ուրիշների հետ»,- հայտարարել է Գյուլերը։
