Այսօր Երևանի քաղաքապետարանի գործակարգավարական նիստի ժամանակ քննարկվեց չաշխատող հիդրանտների (-խմբ. հրշեջ ջրածորան) փոփոխության կամ նորոգման մասին հարցը։
Քաղաքապետարանի շինարարական և բարեկարգման վարչությունից հայտնեցին, որ Երևանում չգործող 101 հիդրանտների կառուցման կամ նորով փոխարինման աշխատանքները հետևյալն են․ 28 հիդարանտ տեղադրվել է, 49-ի նորոգման աշխատանքներն էլ ավարտված են, և անհրաժեշտ է իրականացնել ջրանջատում՝ հիդրանտները ջրագծին միացնելու համար։
Այս ուղղությամբ դեռ աշխատանքներ կան անելու, և խնդրեցին հանձնարարականը երկարաձգել մինչև փետրվար։
Քաղաքապետը, արձագանքելով զեկուցվող հարցին, նկատեց․ «Այս հիդրանտներն էլ․․․ ինձ ինչ հիշում եմ, հիդրանտ ենք փոխում, պարոն Փամբուխչյան, կխնդրեմ հետևեք, հասկացեք՝ գործն ինչ փուլում է»։
