Ինչպես հայտնում է ֆոտոլրագրող Գագիկ Շամշյանը, երեկ՝ դեկտեմբերի 17-ին, ՀՀ ՆԳՆ ՊԾ Կոտայքի մարզի գումարտակի պարեկները՝ գումարտակի հրամանատարի տեղակալ Լևոն Բադալյանի գլխավորությամբ, ծառայության ընթացքում նկատել են, որ «Չայնիի» ոլորաններում դեպի Երևան է ընթանում ամբողջովին ասես «ձթապատ» արված Mercedes G 500 (յաշիկ) մակնիշի ավտոմեքենան։
Պարեկները կանգնեցնում են «յաշիկավար»-ին ով զարմանալով հարցնում է պարեկներին, թե «մեր ախպերներ, բայց ի՞նչ եմ արել, որ» ու երբ նրան պարեկները տեղեկացնում են, որ առջևի և կողային ապակիները մգեցված են, նա էլ ոչինչ չի կարողանում ասել։
Ստուգմամբ պարզվում է, որ վարորդը եղել է սթափ, սակայն ավտոմեքենայի դիմապակին և կողային ապակիները, ինչպես ժողովուրդն է ասում, «սև չոմուռ» է։
Վարորդը՝ 27-ամյա վարորդ Պարույր Հ․-ն, տեղում եթարկվեց վարչական պատասխանատվության։
Լուսանկարները՝ Գագիկ Շամշյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
