Զորականն ու Չարդախլուն այն գյուղերից են, որ ազգամիջյան բախումների ընթացքում բավականին քաղաքակիրթ ձևով փոխանակեցին տները

Ուրեմն, Զորականը մինչև 1988 թվականը բնակեցված էր բացառապես ադրբեջանցիներով, դա Նոյեմբերյանի միակ գյուղն էր, որտեղ ադրբեջանցիներ էին միայն բնակվում:

1988-ին այստեղի ադրբեջանցիները իրենց տները փոխանակեցին Ադրբեջանի Շամխորի շրջանի բացառապես հայաբնակ Չարդախլու գյուղի հետ: Չարդախլուն Բաղրամյանի և Բաբաջանյանի ծննդավայրն է:

Զորականն ու Չարդախլուն այն գյուղերից են, որ ազգամիջյան բախումների ընթացքում բավականին քաղաքակիրթ ձևով փոխանակեցին տները: Ավելին, երկար տարիներ Չարդախլույում հաստատված ադրբեջանցիները լուսանկարում և ուղարկում էին հայերի գերեզմանները, իսկ այստեղ հաստատված հայերը նկարում էին ադրբեջանական գերեզմանները և ուղարկում ադրբեջանցիներին:

Այսօր Զորականում հաստատվել են 33 ընտանիքներ Արցախից:

Համեստ օգնություն էինք տարել այդ 33 ընտանիքներին, առաջիկայում գուցե կարողանանք էլի տանել:

Նոյեմբերյան համայնքի 15 գյուղերւոմ հաստատված արցախցիները, իմ կարծիքով և իմ շփումներով, ոնց որ թե հարմարվել են տեղին: Բնությունը նման է Արցախի բնությանը, Նոյեմբերյանի շրջանի մարդիկ շատ մեղմ են բնավորությամբ:

Զորականը ճիշտ Հայաստան-Ադրբեջան-Վրաստան եռանկյունում է, սահմանակից Վրաստանին:

Թ.Հ., Զորական, 13 հունվարի, 2024թ