Մենք դիվերսիֆիկացնում ենք անվտանգային ոլորտում մեր հարաբերությունները։ Այս մասին վարչապետը հայտարարեց իր հերթական հարցազրույցում։
«Նշանակում է արդյո՞ք, որ պատրաստվում ենք խզել մեր հարաբերությունները ՌԴ հետ։ Ոչ, չի նշանակում։ Այլ նշանակում է, որ անվտանգության ոլորտում աշխատում ենք հարաբերություններ հաստատել ԵՄ, Ֆրանսիայի, ԱՄՆ, Իրանի, Հնդկաստանի հետ, որոնք արդեն իրողություն են, մեծ հաշվով», — ասաց նա, նշելով, որ այդ հարաբերություններն ուղղված չեն ՌԴ-ի դեմ։
