Ստեփանավանի «Բագեր» հանդամասում պահակակետ-տնակ է այրվել

Օգոստոսի 25-ին՝ ժամը 19։31-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ստեփանավան քաղաքին հարակից «Բագեր» կոչվող հանդամասում, որպես պահակակետ ծառայող տնակ է այրվում։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Հրդեհը մեկուսացվել է ժամը 19։56-ին։