ՀՀ ԱԺ «Քաղաքացիական պայմանագիր» խմբակցության պատգամավոր Ալխաս Ղազարյանը շնորհավորական ուղերձ է հղել, որում մասնավորապես ասվում է.
«Սիրելի կանայք,
Սրտանց շնորհավորում եմ Ձեզ Կանանց միջազգային օրվա` Մարտի ութի առթիվ։
Մաղթում եմ, որ միշտ ու ամենուրեք շրջապատված լինեք սիրով, հոգատարությամբ, ունենաք աշխատելու, արարելու, ինքնակրթվելու, ինքնադրսևորվելու մեծ հնարավորություններ:
Այսօր, երբ ժամանակի հրամայական է կանանց իրավունքների խթանումը, ցանկանում եմ, որ Ձեր ձեռքբերումները, տոկունությունն ու առաջնորդությունը, կամքը օրինակ լինեն շատերի համար` հաջողակ, ուժեղ և առաջադեմ նոր գաղափարներ իրագործելու, դառնալու դրանց առաջամարտիկը։
Եվ ամենակարևորը, միշտ փայլեք երջանկությունից, անհոգ ժպտաք և ժպիտներ պարգևեք»։
