Հայաստանում ջրծաղկից մահացության դեպք է գրանցվել:
Տեղեկությունը «Հայկական ժամանակ»-ի հետ զրույցում հաստատեց քաղաքապետի մամուլի խոսնակ Հայկ Կոստանյանը՝ նշելով մանրամասներ:
Ըստ այդմ՝ Արարատի մարզի բնակիչ 9-ամյա երեխան մարտի 7-ից ունեցել է ջրծաղիկին բնորոշ վեզիկուլյար ցան, ֆեբրիլ ջերմություն։
Մարտի 10-ին՝ ժամը 17։00-ի սահմաններում, որովայնացավերի կապակցությամբ դիմել են «Արարատի» ԲԿ։ Մի քանի ժամ անց ընդհանուր վիճակի կտրուկ վատացման ֆոնին որոշում է կայացվել երեխայի տեղափոխել Երևանի բուժկենտրոններից մեկը, սակայն ճանապարհին նրա վիճակը կտրուկ վատացել է, արձանագրվել է սրտի կանգ, որի կապակցությամբ հիվանդին տեղափոխել են ամենամոտ տեղակայված բուժհաստատություն՝ «Սուրբ Աստվածամայր» ԲԿ:
Ժամը 23:30՝ 50 րոպե տևողությամբ կատարված լայնածավալ ՍԹՎ միջոցառումները եղել են անարդյունավետ։ Սրտի ռիթմը չի վերականգնվել, և 00։20-ին արձանագրվել է կլինիկական մահ։
Մահվան վերջնական պատճառը հայտնի կդառնա դատաբժշկական փորձաքննությունից հետո։
