Crocus City Hall-ում տեղի ունեցած ահաբեկչությունից հետո ահաբեկիչների հետ կապված սպիտակ Renault-ը վրաերթի է ենթարկել երեխաներից մեկին։
Այդ մասին մարտի 23-ին «Իզվեստիա»-ին հայտնել է վիրավոր տղայի մայրը։
Կինը պատմել է, որ որդին այժմ վերակենդանացման բաժանմունքում է։
«Նա գտնվում է վերակենդանացման բաժանմունքում՝ կայուն վիճակում։ Տղայիս հարվածել է մեքենան, որն այժմ ամբողջ նորություններում է, այս սպիտակ Renault-ն: Նա միտումնավոր բախվեց, երբ մենք վազեցինք:
Մտածեցինք, որ արդեն փախել ենք, փրկվել ենք, այդ պահին այդ մեքենան մեծ արագությամբ վրաերթի ենթարկեց նրան»,- պատմել է նա։
Հիշեցնենք՝ մարտի 22-ին հրաձգություն էր տեղի ունեցել Մոսկվայի Crocus City Hall-ում։
Ավելի վաղ հայտնել էինք, որ Բրյանսկի մարզում՝ Ուկրաինայի հետ սահմանի մոտ, ձերբակալվել է Crocus City Hall-ում տեղի ունեցած ահաբեկչության մեջ կասկածվող երկու անձ։
Crocus City Hall-ի ահաբեկչության մեջ կասկածվող անձանց ավտոմեքենայում Տաջիկստանի քաղաքացու երկու անձնագիր էր հայտնաբերվել։
Իր հերթին Տաջիկստանը հերքել էր իր քաղաքացիների մասնակցությունը Մոսկվայի մարզում տեղի ունեցած ահաբեկչությանը:
Վերջին տվյալներով ահաբեկչության հետևանքով զոհվել է 115 մարդ (տվյալները վերջնական չեն)։
Մանրամասները՝ տեսանյութում։
