ՀՀ Ներքին գործերի նախարարության ոստիկանության Պարեկային ծառայություն բազմիցս հորդորել է վարորդներին, որպեսզի չխախտեն ճանապարհային երթևեկության կանոնները, հակառակ դեպքում օրինախախտ վարորդը անկախ զբաղեցրած դիրքից ու պաշտոնից՝ կենթարկվեն վարչական պատասխանատվության, անհրաժեշտության դեպքում էլ տրանսպորտային միջոցը կտեղափոխվի հատուկ պահպանման վայր:
Ճանապարահային երթևեկության կանոնների խախտում է համարվում նաև, երբ վարորդը ավտոմեքենան կայանում է հետիոտնի համար նախատեսված մայթին, ինչը խոչընդոտ է հանդիսանում հետիոտնի համար ազատ տեղաշարժի:
Այսօր՝ ապրիլի 6-ին, ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի 2-րդ վաշտի պարեկները Սեբաստիա փողոցում նկատել են, որ «Toyota Camry» մակնիշի ավտոմեքենան կայանված է հետիոտնի համար նախատեսված մայթին:
Ինչպես դեպքի վայրից հայտնում է ֆոտոլրագրող Գագիկ Շամշյանը, վաշտի հրամանատար Ստաֆֆի Դիլանյանի հանձնարարականով՝ պարեկները կարճ ժամանակում հայտնաբերեցին օրինախախտ վարորդին, ով ենթարկվեց վարչական պատասխանատվության:
Ֆոտոլրագրողի տեղեկություններով՝ վարորդը Երևանի բնակիչ 45-ամյա Էդուարդ Թումասյանն է:
Լուսանկարները և տեսանյութը Գագիկ Շամշյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2024/04/06/1259126?fbclid=IwAR3n7mQYiABXjZSFo97fDfuUrCpvjzKRn-K-q18rfF_YyMx69c4qjmRfr9U_aem_AUR3YAu-LIDjYfZeqwmUPGnhXrppFs8CIvC3qyEX0f8V8IH53kQv6TguRv5EJ-r2sm1943dXnmZ1IBjx4_zl0sJb
