Մամուլի և հանրության համար
ՄԱՀՀԻ-ն և ամերիկյան հեղինակավոր ինստիտուտը ազդարարում են իրենց ինստիտուցիոնալ համագործակցության մեկնարկը
Երևան-Վաշինգթոն։ Ապրիլի 30-ին Վաշինգթոնում գործող Մերձավոր Արևելքի ինստիտուտի և Երևանում գործող Միջազգային և անվտանգության հարցերի հայկական ինստիտուտի միջև ստորագրվեց համագործակցության մտադրության մասին հուշագիր։
Ամերիկյան հեղինակավոր հետազոտական ինստիտուտի ու հայկական մտակենտրոնի միջև համագործակցությունը ենթադրում է փորձագիտական փոխանակումներ, մասնակցություն միմյանց միջոցառումներին կամ այդպիսի համատեղ միջոցառումների կազմակերպում և այլն։
1946 թվականին հիմնադրված Մերձավոր Արևելքի ինստիտուտը Վաշինգտոնում գործող ամենահին հաստատությունն է, որի գործունեությունը բացառապես ուղղված է Մերձավոր Արևելքի ուսումնասիրությանը: Այն տրամադրում է քաղաքականության փորձագիտական վերլուծություն, կրթական և մասնագիտական զարգացման ծառայություններ, ինչպես նաև հանդիսանում է տարածաշրջանի արվեստի և մշակույթի ներգրավվման հանգուցային կենտրոն:
Միջազգային և անվտանգության հարցերի հայկական ինստիտուտը Երևանում գործող անկախ հետազոտական ինստիտուտ է, որի նպատակ է խթանել մարդու իրավունքների, քաղաքական ազատությունների և ազատ շուկայի ընդհանուր արժեքների վրա խարսխված Հայաստանի արտաքին և ներքին քաղաքականության անկախ վերլուծություններ։
Երկու հաստատությունների միջև ինստիտուցիոնալ համագործակցության հուշագիրը Մերձավոր Արելքի ինստիտուտի կողմից ստորագրել է նրա Սևծովյան ծրագրի ղեկավար Լուլիա-Սաբինա Ջոյան, իսկ Միջազգային և անվտանգության հարցերի հայկական ինստիտուտի անունից՝ վերջինիս հիմնադիր և տնօրեն Ստյոպա Սաֆարյանը։
ՄԱՀՀԻ լրատվական ծառայություն
—————-
The renowned American institute and the Armenian think tank announce the start of their institutional cooperation
Yerevan, Armenia-Washington D.C, USA—On April 30, a memorandum of intent on cooperation was signed between the Middle East Institute, the oldest Washington-based institution dedicated to the study of the Middle East and providing expert policy analysis, educational and professional development services, and the Armenian Institute of International and Security Affairs-AIISA, a Yerevan- based independent research institute, pursuing the goal of promoting independent foreign and domestic policy analysis for Armenia, anchored in the shared values of human rights, political freedom, and free market.
The cooperation between the renowned American research institute and the Armenian think tank implies expert exchanges, participation in each other’s events or the organization of such joint events, etc.
The memorandum of institutional cooperation between the two institutions was signed by Lulia-Sabina Joja, the director of the Middle East Institute’s Black Sea program, and Styopa Safaryan, the founder and the director of the Armenian Institute of International and Security Affairs.
AIISA Press Center
