Ուկրաինայի համար Թուրքիան դառնում է սպառազինության կարևոր մատակարար: Զենք արտադրող թուրքական ընկերություններից մեկը ամերիկյան գործընկերների հետ Տեխասում զինամթերքի նոր գործարան է հիմնել։ Մեկ այլ թուրքական ընկերություն պատրաստվում է Ուկրաինայում բացել անօդաչուներ արտադրող գործարան:
Զինամթերք արտադրող ամերիկյան նորագույն գործարանը կիրառում է թուրքական Repkon ընկերության գերժամանակակից սարքավորումները։ Գործարանն այնքան հզոր է, որ կարող է ապահովել ԱՄՆ-ում ռազմամթերքի արտադրության մոտ մեկ երրորդը, ինչը, ըստ դիտորդների, կենսական նշանակություն ունի, օրինակ, Ուկրաինայում զինամթերքի պակասը լրացնելու համար:
«Թուրքիայի դերն այս հարցում ուշագրավ է այն պատճառով, որ [Անկարան] հսկայական հնարավորություններ է առաջարկում ԱՄՆ-ին՝ սպառազինության գնման, արտադրության, մատակարարման առումով։ ԱՄՆ-ը նույնպես ունի սպառազինության կարիք՝ դատելով արկերի քանակից, որոնք մատակարարվում են ուկրաինացիներին»,- ասում է Վաշինգտոնում գործող Ժողովրդավարության պաշտպանության հիմնադրամի ներկայացուցիչ Սինան Սիդին:
Ամբողջական նյութը՝
