Բելառուսի նախագահ Ալեքսանդր Լուկաշենկոն համոզմունք է հայտնել, որ ամերիկյան նոր իշխանությունները զբաղված կլինեն իրենց երկրի ներսում առկա խնդիրներով, և նրանք ժամանակ չեն ունենա Ուկրաինայի համար։
«Ուստի Ուկրաինայի ղեկավարությունը պետք է գլուխն առնի ձեռքերի մեջ և հասկանա, որ իրենց առաջին հերթին պետք կլինի վերականգնել երկիրը: Իրենց մերձավոր մարդկանց օգնությամբ, առաջին հերթին՝ բելառուսների»,- ընդգծել է Լուկաշենկոն։
Լուկաշենկոն նաև հայտարարել է, որ եթե լեհերը փորձեն «կտրել» Ուկրաինայի արևմուտքը, բելառուսական կողմը աջակցություն կցուցաբերի ուկրաինացիներին։
Նրա խոսքով՝ «Լեհաստանի հավակնությունների հիմքը Ուկրաինայի արևմտյան հատվածը գրավելու ցանկությունն է»։ «Ինչպես Արևմտյան Բելառուսը, այնպես էլ Արևմտյան Ուկրաինան: Եվ այնտեղ իշխել: Սա մեզ համար անընդունելի է։ Եթե միայն լեհերը մտնեն Ուկրաինա և փորձեն կտրել արևմուտքը, մենք կաջակցենք ուկրաինացիներին: Որովհետև մենք հասկանում ենք, որ հաջորդը մենք ենք լինելու»,- ասել է Բելառուսի ղեկավարը։
