Սիրիայի նոր իշխանություններին մոտ կանգնած իսլամիստական լրատվական ալիքները հրապարակել են Գերմանիայի ԱԳ նախարարի այցի լուսանկարները, որոնցում նախարարի մարմինն ու դեմքը հստակ չեն երևում:
Այս մասին գրել է Bild-ը:
Մասնավորապես, Almharar լրատվական ալիքը տարածել է լուսանկարներ, որոնցում Գերմանիայի արտաքին գործերի նախարար Անալենա Բերբոքն անճանաչելի է դարձել «լղոզվածության» պատճառով, իսկ նրա ֆրանսիացի գործընկեր Ժան Նոել Բարոն առանց միջամտությունների է պատկերված սիրիացի քաղաքական գործիչների կողքին։
Նկատենք, որ Անալենա Բերբոքի այցի ժամանակ Սիրիայի դե ֆակտո ղեկավար ալ Ջուլանին հրաժարվել էր սեղմել կին նախարարի ձեռքը:
Սիրիական պաշտոնական «Սանա» լրատվական գործակալությունը պատկերները տարածել է առանց փոփոխությունների:
