Իսրայելի պաշտպանության բանակը (ՑԱԽԱԼ) հայտարարել է Բեյրութի Դահիա արվարձանին՝ լիբանանյան «Հըզբոլլահ» արմատական շիական շարժման հենակետին ավիահարված հասցնելու մասին: Այս մասին հայտնել են ՑԱԽԱԼ-ը և Իսրայելի անվտանգության ընդհանուր ծառայությունը (Շին-Բեթ):
Լիբանանի մայրաքաղաքում հարձակման թիրախը եղել է «Հըզբոլլահ»-ի բարձրաստիճան ներկայացուցիչը:
Համատեղ հայտարարության մեջ չի նշվում զինյալի անունը, սակայն նշվում է պաղեստինյան ՀԱՄԱՍ ահաբեկչական շարժման հետ նրա շփումների մասին:
«Նա վերջերս օգնել է նրանց իսրայելցի խաղաղ բնակիչների դեմ լուրջ ահաբեկչություն ծրագրելու հարցում, որը պետք է տեղի ունենար մոտ ժամանակներս», ուստի բանակը «միջոցներ է ձեռնարկել այն ոչնչացնելու եւ սպառնալիքը վերացնելու համար»,— նշված է հայտարարության մեջ:
Լիբանանի առողջապահության նախարարության տվյալներով՝ հարվածի հետևանքով զոհվել է առնվազն երեք մարդ, կան վիրավորներ:
