Հասարակական կազմակերպությունը հիմնադրվել է Վանիկ Նիկոյանի և Պավել Մուսաելյանի կողմից՝ ի պատասխան այն բազմաթիվ բողոքների, որոնք տարիներ շարունակ կուտակվել են մեր համաքաղաքացիների մոտ։
Մենք ականատես ենք եղել, թե ինչպես են քաղաքացիների խնդիրները մնում անլուծելի՝ անկախ այն հանգամանքից, թե ով է եղել իշխանության ղեկին։
Ժողովրդի ձայնը, ցավոք, անտեսվել է ինչպես նախկին, այնպես էլ ներկա իշխանությունների կողմից։
Մեր նախաձեռնության հիմքում ընկած է պարզ, բայց վճռական գաղափար՝ մեր քաղաքացիներին չպետք է շարունակաբար բեռնել նոր խնդիրներով, այլ հարկավոր է ազատել նրանց 30 տարվա կուտակված սոցիալական ու օրենսդրական ծանրությունից։
Մենք չենք կարող անտարբեր մնալ այն իրավիճակին, երբ նոր ընդունվող օրենքներն ու որոշումները միայն խոչընդոտում են քաղաքացու կյանքի որակի բարելավմանը։
«ԴԵՄ ԵՄ» շարժումը կոչ է ուղղում բոլորին՝ միավորվելու, պահանջելու արդարություն և գործնական լուծումներ։
Մենք ձգտում ենք ստեղծել հասարակական այնպիսի մթնոլորտ, որտեղ յուրաքանչյուր քաղաքացու ձայնը կլսվի, իսկ նրա իրավունքները կպաշտպանվեն։
Մենք՝ հիմնադիրներս, հայտարարում ենք մեր գաղափարի համախմբման սկիզբը։ Մեր պայքարը ոչ թե անձերի, այլ անարդարության և անտարբերության դեմ է։
Միացե՛ք մեզ՝ փոխելու մեր երկրի և մեր կյանքի որակը դեպի լավը։
Մենք «ԴԵՄ ԵՆՔ» անարդարությանը։
Մենք «ԴԵՄ ԵՆՔ» անտարբերությանը։
Եկե՛ք, միասին դարձնենք մեր կյանքը ավելի լավը։ Միացե՛ք շարժմանը, որը տարբերվում է նախկինում եղած բազմաթիվ անարդյունավետ նախաձեռնություններից։
Մենք պարզապես փողոցային շարժում չենք․ մենք գործելու, փոփոխություններ բերելու և իրական արդյունքներ ապահովելու շարժում ենք։
Եթե ցանկանում եք մասնակցել մեր քննարկումներին, դառնալ խորհրդի անդամ և ակտիվորեն մասնակցել շարժման զարգացմանը, դիմե՛ք մեզ հետևյալ հեռախոսահամարով
043 708 455։
Միասին կարող ենք փոխել մեր իրականությունը։
«ԴԵՄ ԵՄ» ՔԱՂԱՔԱՑԻԱԿԱՆ ՇԱՐԺՈՒՄ
