Այսօր՝ ապրիլի 14-ին, ճանապարհի մերկասառույցի պատճառով ավտովթար է տեղի ունեցել Արագածոտնի մարզում։ Ժամը 10։30-ի սահմաններում Երևանի բնակիչ 39-ամյա Վազգեն Վ․-ն իր վարած «Suzuki» մակնիշի ավտոմեքենայով Երևան-Գյումրի ավտոճանապարհի Լանջիկի վարչական տարածքում տեղացած առատ ձյան ու մերկասառույցի պատճառով ընկել է սահքի մեջ և բախվել երկաթե արգելապատնեշներին։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով բարեբախտաբար տուժածներ չկան։
Վարորդներին առաջինը օգության են հասել 2 երիտասարդ տղաներ, ապա ՀՀ ներքին գործերի նախարարության ոստիկանության Պարեկային ծառայության Արագածոտնի մարզի գումարտակի 2-րդ վաշտի 1-ին դասակի պարեկները՝ գումարտակի հրամանատար Արտյոմ Սահակյանի, գումարտակի հրամանատարի տեղակալ Աղասի Խաչատրյանի և դասակի հրամանատարի տեղակալ Արման Սարգսյանի գլխավորությամբ։
Տեղում ավագ պարեկ Կարապետ Չալաբյանին և կրտսեր պարեկ Դավիթ Սերոբյանին վարորդը հայտնել է, որ ինքը չի տուժել և հրաժարվել է Պարեկային ծառայությունից։
Վարորդը ենթարկվել է սթափության փորձաքննության, եղել է սթափ, ավտոմեքենայի անվադողերն էլ ձմեռային են եղել ու վթարի պատճառը ճանապարհը սպասարկող ընկերության ճանշինի փնթի աշխատանքն է եղել ու եթե վարորդը ճիշտ չկողմնորոշվեր, բախվելու էր մի քանի ավտոմեքենաների։
Գ․ Շամշյանի տեղեկություններով՝ ավտոմեքենան հաշվառված է Երևանում գործող ՍՊԸ-ներից մեկի հաշվեկշռում:
Լուսանկարները ու տեսանյութը՝ Գագիկ Շամշյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
© https://shamshyan.com/hy/article/2025/04/14/1281662?fbclid=IwY2xjawJqBWtleHRuA2FlbQIxMQABHrKLJ9dyFFc8Q0hYk7HzrRAz3DJhkdeT2yqxq14YDEEPiHjAyIMwbg7InaiJ_aem_lp1BNh5O6_TLqrPOh7SHgA
