ԱՄՆ նախագահ Դոնալդ Թրամփը շահագրգռված չէ խոսել նախկին դաշնակից Իլոն Մասկի հետ, ում հետ վերջին շրջանում տարաձայնություններ ունի հարկերի կրճատման օրինագծի շուրջ։
Ինչպես հաղորդում է Reuters-ը, Սպիտակ տան ներկայացուցիչը հայտնել է, որ երկուսի միջև հեռախոսազրույցի պլաններ չկան։
Նշենք, որ Սպիտակ տան մեկ այլ ներկայացուցիչ ավելի վաղ ասել էր, թե Թրամփն ու Մասկը միմյանց հետ կխոսեն հունիսի 6-ին:
Մասկը և Թրամփը հրապարակավ վիճաբանել էին հինգշաբթի օրը նախագահի կողմից դաշնային ծախսերի լայնածավալ կրճատման շուրջ, ինչի մասին օրինագիծը Մասկն անվանել էր «զզվելի գարշանք»:
