Իսրայելը հարվածներ է հասցրել Ֆորդոյի իրանական միջուկային օբյեկտի շրջանում։ Այս մասին հաղորդում է Fars գործակալությունը:
Հաղորդագրության համաձայն՝ Իսրայելը հարձակվել է Ֆորդոյի օբյեկտի հարթակի վրա, այնտեղ երկու պայթյուն է լսվել:
Ավելի վաղ Իրանի իշխանությունները հայտարարել էին, որ ի տարբերություն Նաթանզի միջուկային օբյեկտի` Ֆորդոյի հարթակը չի ենթարկվել Իսրայելի հարվածներին: Երկու օբյեկտներն էլ ունեն ստորգետնյա տեղակայում։
Հիշեցնենք` հունիսի 13-ի վաղ առավոտյան Իսրայելի պաշտպանության բանակը (ՑԱԽԱԼ) Իրանի դեմ լայնածավալ գործողություն է սկսել, թիրախները եղել են Թեհրանում, Թավրիզում, Սպահանում, Իլամում։ Հարձակման է ենթարկվել Նաթանզի միջուկային օբյեկտը։
