Իրանը գիշերը Իսրայելի ուղղությամբ բալիստիկ հրթիռների առնվազն չորս ալիք է արձակել
Ինչպես հայտնում են տեղի լրատվամիջոցները, հարձակման ժամանակ կիրառվել են գերձայնային հրթիռներ, որոնք ժամանակակից հակաօդային պաշտպանությունը դժվարանում է որսալ։
Թեհրանը երկու անգամ հարվածել է հրեական պետության պաշտպանության նախարարության շենքին։ Թեհրանը նաև հարվածել է Իսրայելի ռազմական արդյունաբերությանը և հրթիռների արտադրության օբյեկտներին։
Թել Ավիվը պատասխանել է հարվածելով Իրանի Սպահան քաղաքին, որտեղ գտնվում է ուրանի վերամշակման կենտրոն։
Հիշեցնենք, որ Իրանի ատոմային էներգիայի կազմակերպությունը խոստովանել է, որ երեկվա Իսրայելի կողմից իրականացված հարվածի հետևանքով Նաթանզի միջուկային օբյեկտում տեղի է ունեցել ռադիոակտիվ նյութի փոքր արտահոսք։
