74 տարեկան հասակում մահացել է Մյանմայի գործող նախագահ Մինտ Սվեն։
Այս մասին հաղորդում է «Սինհուա» լրատվական գործակալությունը՝ հղում անելով երկրի Ազգային պաշտպանության և անվտանգության խորհրդին։
Ըստ տեղեկությունների՝ քաղաքական գործիչը մահացել է օգոստոսի 7-ի առավոտյան։ Նախկինում նա արձակուրդում էր առողջական պատճառներով։
Մինտ Սվեն երկրի փոխնախագահի պաշտոնը զբաղեցնում էր 2016 թվականից։ 2021 թվականի փետրվարի 1-ի ռազմական հեղաշրջումից հետո նա նշանակվել էր նախագահի պաշտոնակատար՝ փոխարինելով Վին Մինտին, ով պաշտոնից հեռացվել էր իշխանության եկած զինվորականների կողմից։
