Հռոմի պապ Լևոն XIV-ը հինգշաբթի օրը Առաքելական պալատում ընդունել է Իսրայելի պետության նախագահ Իսահակ Հերցոգին։ Այս մասին հայտնում է Vaticannews-ը։
Այնուհետև Իսրայելի նախագահը հանդիպել է պետքարտուղար կարդինալ Պիետրո Պարոլինի և պետությունների և միջազգային կազմակերպությունների հետ հարաբերությունների քարտուղար արքեպիսկոպոս Պոլ Ռ. Գալագերի հետ։
Սուրբ Աթոռի մամուլի գրասենյակի կողմից տարածված հայտարարության համաձայն՝ Հռոմի պապը Հերցոգի հետ հանդիպմանը քննարկել է Գազայի ողբերգական իրավիճակը և կոչ է արել մշտական հրադադար հաստատել Պաղեստինում:
Նա նաև կոչ է արել ազատ արձակել ՀԱՄԱՍ-ի կողմից պահվող պատանդներին:
