Ադրբեջանի արտգործնախարար Ջեյհուն Բայրամովը հանդիպել է Կարմիր խաչի միջազգային կոմիտեի ներկայացուցիչների հետ:
Ինչպես հայտնել են ադրբեջանական լրատվամիջոցները, ի թիվս այլնի՝ կողմերը քննարկել են Հարավային Կովկասում զարգացումները: Անդրադարձ է եղել տարածաշրջանում խաղաղության և կայունության ուղղությամբ գործադրվող ջանքերին:
Նաև Ջեյհուն Բայրամովը Կարմիր Խաչի պատվիրակությանը տեղեկացրել է Ադրբեջան-Հայաստան խաղաղության օրակարգի առաջմղման և փոխվստահության ամրապնդման ուղղությամբ տարվող աշխատանքների մասին:
Կողմերն ընդգծել են Ադրբեջանի և Կարմիր խաչի միջև երկարաժամկետ և փոխվստահելի գործակցության, ինչպես նաև մշտական շփումների կարևորությունը:
Քննարկվել են տարածաշրջանում ԿԽՄԿ հումանիտար նախաձեռնությունները:
