Ո՞վ է իրականում Ռոբերտ Քոչարյանը և որտեղի՞ց նա հայտնվեց մեր քաղաքականության մեջ

Գործուղում Երևան. սեփական օրակարգի բացակայությունը

___________________________

Քոչարյանը երբեք ինքնուրույն քաղաքական գործիչ, սեփական գաղափարախոսություն կամ սկզբունքներ ունեցող առաջնորդ չի եղել։ Նրա արմատները դեռ 80-ականների վերջի խորհրդային կուսակցական վերնախավից են գալիս։ 90-ականների խառը, անկառավարելի տարիներին, երբ երկրում տիրում էր բեսպրեդելը, նրան պարզապես «վերբովկա» արեցին Արցախից ու գործուղեցին Երևան՝ Կրեմլի հատուկ հանձնարարությունները կատարելու համար։

Արցախի դուրսմղումը բանակցություններից

_____________________________

Նրա առաջին ու ամենամեծ հարվածը եղավ Արցախի ղեկավարությանը բանակցային գործընթացից հեռացնելը։ Սա ոչ այլ ինչ էր, քան հրաժարում արցախցիների ինքնորոշման իրավունքից՝ հենց այն իրավունքից, որի համար ժողովուրդը արյուն էր թափել։ Երևանում արագ բարձրանալով (նախ վարչապետ, ապա՝ նախագահ)՝ նրա ամբողջ գործունեությունը կապվեց հենց զիջողական մոտեցումների հետ։

Մեղրիի սակարկությունն ու ուժերի հարաբերակցությունը

_____________________________

1998-ից հետո իրավիճակը փոխվեց։ Վազգեն Սարգսյանն ու Կարեն Դեմիրճյանը հզոր դաշինք կազմեցին, նրանց ազդեցությունը երկրում կտրուկ մեծացավ, իսկ Քոչարյանի դիրքերը թուլացան։ Հենց այդ շրջանում շրջանառության մեջ դրվեց Մեղրիի փոխանակման վտանգավոր նախագիծը։ Վազգենն ու Դեմիրճյանը կտրականապես դեմ կանգնեցին երկրի տարածքային ամբողջականության այս սակարկությանը։

Հոկտեմբերի 27. ո՞վ շահեց

______________________________

Ու հենց այն ժամանակ, երբ Քոչարյանի իշխանությունը հայտնվել էր փակուղում, եղավ հոկտեմբերի 27-ը։ Ազգային ժողովում գնդակահարվեցին երկրի իրական առաջնորդները։ Իհարկե, կա պաշտոնական եզրակացություն, բայց ժողովրդի մեջ մինչև հիմա մնում է գլխավոր հարցը, որը բացում է բոլոր փակագծերը՝ *«Ո՞վ շահեց այս ոճրագործությունից»*։ Պատասխանը մեկն է՝ նա, ով դրանից հետո ամրապնդեց իր միապետական իշխանությունը։

Norayr Asoyan

Տարածեք քանի չեն ջնջել