Եվրախորհրդարանի գերմանացի պատգամավոր Մայքլ Գալլերը Եվրախորհրդարանում տեղի ունեցած «Իրավիճակը Լեռնային Ղարաբաղում Ադրբեջանի հարձակումից հետո և Հայաստանի դեմ շարունակվող սպառնալիքները» թեմայով քննարկման ժամանակ իր խոսքում հայտարարել է, որ Ադրբեջանի միակողմանի ռազմական գործողությունները լայնորեն դատապարտվել են, բայց այժմ անհրաժեշտ է օգնել Հայաստանին՝ հասցեագրելու ավելի քան 100 հազար փախստականի հետ կապված հումանիտար մարտահրավերները:
«Պետք է պահանջել միջազգային ներկայություն, որը կապահովի, որ ԼՂ-ում մնացած հայերը կարողանան ապրել ապահով:
Այդ շրջանակը կարող են լինել ՄԱԿ-ը, ԵԱՀԿ-ն, ԵԽ-ն, ԿԽՄԿ-ն և բոլոր այն կառույցները, որոնց լիարժեք անդամ է Ադրբեջանը: Անվտանգության երաշխիքը չպետք է վերաբերի միայն ԼՂ-ում մնացած փոքր թվով մարդկանց, մենք պետք է համոզվենք, որ բոլոր նրանք, ովքեր վախի ներքո հեռացել են, պետք է հնարավորություն ունենան ապահով վերադառնալ իրենց տներ:
Այս բռնի գործողության արդյունքը չպետք է լինի Էթնիկ զտումը: Սա նաև ազդանշան է Հայաստանի ժովրդավարական եղանակով ընտրված կառավարությանը, որ եթե Ռուսաստանը ձեզ միայնակ թողեց, ապա մենք չենք թողնի»,- ասել է նա:
Գերմանացի պատգամավորը հավելե է, որ կարծում է՝ Հայաստանի հետ պետք է սկսել վիզային ռեժիմի ազատականացման շուրջ բանակցություններ՝ որպես ազդակ, որ հայերը մենակ չեն:
