Իտալական «Մոնցայի» եւ Արգենտինայի հավաքականի 35-ամյա կիսապաշտպան Պապու Գոմեսը որակազրկվեց երկու տարով դոպինգի համար, հաղորդում է Relevo-ն։
Պապու Գոմեսի արյան մեջ արգելված խթանիչը հայտնաբերվել էր 2022թ․ նոյեմբերին՝ աշխարհի առաջնության մեկնարկից մի քանի օր առաջ։ Այն ժամանակ նա ներկայացնում էր իսպանական «Սեւիլիան»։ Պապու Գոմեսն Արգենտինայի հավաքականի կազմում դարձել է աշխարհի չեմպիոն։
Գոմեսը հայտարարել էր, որ դոպինգ թեստից մի քանի օր առաջ վատառողջ է եղել եւ խմել է իր երեխայի հազի դեմ դեղը։ Հակադոպինգային գործակալությունը հաշվի չի առել այդ արդարացումը։
Պապու Գոմեսն այս մրցաշրջանում «Մոնցայի» հետ մասնակցել է 2 հանդիպման։
