Հայ Ամերիկյան Առողջության Կենտրոնի սեքսապաթոլոգ, դոցենտ Սևադա Հակոբյանն անդրադարձել է օդի աղտոտվածության խնդրին՝ մանրամասնելով, թե կարո՞ղ է արդյոք այն դառնալ սրտամկանի ինֆարկտի պատճառ․
«Գիտնականները պարզել են, որ նույնիսկ օդի ցածր աղտոտվածության պարագայում, երկար այդ միջավայրում ապրելու արդյունքում՝ աղտոտված օդը մարդու մոտ հանգեցնում է ինսուլտի և սրտի իշեմիկ այլ հիվանդությունների ռիսկի բարձրացման։ Հետազոտողների այս հոդվածը հրապարակվել է Lancet Planetary Health-ում:
Եվրոպական տարբեր երկրների գիտնականների համագործակցությունը ուսումնասիրել է Գերմանիայում, Դանիայում, Նիդեռլանդներում և Շվեդիայում 137 հազար մարդու առողջության տվյալները: Նրանց առողջական վիճակը վերահսկվում էր 17 տարի:
Գիտնականներին հետաքրքրում էր, թե արդյոք ինսուլտի և սրտի իշեմիկ հիվանդությունների ռիսկը կապվա՞ծ է մթնոլորտում առկա ազոտի օքսիդի, մուրի կամ օզոնի առկայության հետ:
Գիտնականներին հաջողվել է պարզել մթնոլորտում ազոտական օքսիդի և մուրի առկայության և ինսուլտի ռիսկի աճի միջև կապը:
Միևնույն ժամանակ, պարզվել է, որ օդում ազոտային օքսիդի առկայությունը ազդում է կորոնար զարկերակների հիվանդության ռիսկի վրա։
Հետազոտողները չեն կարողացել սահմանել այն շեմերը, որոնց դեպքում օդի աղտոտվածությունը դառնում է առողջության համար անվտանգ:
Նշվում է, որ մոտ ապագայում ԱՀԿ -ն կվերանայի օդի որակի իր չափանիշները»,- գրել է սեքսապաթոլոգը:
«ԿՅԱՆՔԻ ՈՐԱԿ» բաժնի գործընկեր՝ «ԴԵՐԺԱՎԱ-Ս» ընկերություն
