Հինգշաբթի օրը Մոնիկա Բելուչին եւ Թիմ Բյորթոնը հարմարավետ տեսք ունեին՝ իրենց սիրավեպի հաստատումից հետո առաջին անգամ կարմիր գորգով միասին անցնելիս՝ գրում է Daily Mail-ը։
59-ամյա իտալացի դերասանուհին եւ 65-ամյա նշանավոր կինոռեժիսորը մասնակցել են Հռոմի 18-րդ կինոփառատոնի շրջանակում՝ Diabolik Chi Sei ֆիլմի պրեմիերային:
Մոնիկան իր կազմվածքը ցուցադրել էր մուգ մոխրագույն զգեստով, որը համադրված էր պարանոցն ընդգծող շքեղ վզնոցով:
Զույգն ամիսներ շարունակ գաղտնի հանդիպում էր, բայց Մոնիկան հաստատեց իրենց հարաբերությունները հունիսին՝ Elle France-ին տված հարցազրույցում:
«Ի՞նչ կարող եմ ասել… Առաջին հերթին ուրախ եմ, որ հանդիպել եմ այդ տղամարդուն։ Սա այն հանդիպումներից է, որ կյանքում հազվադեպ է պատահում… Ես ճանաչում եմ այդ մարդուն, սիրում եմ նրան, իսկ հիմա պատրաստվում եմ ճանաչել նրան՝ որպես ռեժիսորի․ սկսվում է եւս մեկ արկած»,-ասել էր Բելուչին։
Մոնիկան եւ Թիմն առաջին անգամ հանդիպել են 16 տարի առաջ, բայց ասում են, որ նրանց սիրային հարաբերությունները սկսվել են հոկտեմբերին՝ Լիոնի Lumière կինոփառատոնում միմյանց տեսնելուց հետո:
Լուսանկարը՝ Vittorio Zunino Celotto/Getty Images
