«Վերջին երկու տարում էականորեն սրվել է միջազգային իրադրությունը, միջուկային պատերազմի հավանականությունը դարձել է փորձագետների ու քաղաքական գործիչների քննարկման լրջագույն առարկա»:
Այս մասին այսօր ԱԺ-ում, 2024 թվականի պետբյուջեի նախագծի նախնական քննարկման ժամանակ հայտարարեց վարչապետ Նիկոլ Փաշինյանը՝ շարունակելով.
«Մենք ապրում ենք երկրագնդի վրա հաստատված աշխարհակարգի փլուզման պայմաններում, այս իրավիճակը Հայաստանի համար ստեղծում է սպառնալիքներ, բայց այդ սպառնալիքների գրագետ կառավարումը կարող է նույնքան լրջագույն հնարավորություններ ստեղծել մեր պետության համար»:
Վարչապետի փոխանցմամբ՝ սպառնալիքների համար Հայաստանին հարկավոր է իրականացնել մտավոր հայեցակարգային աշխատանք, որի առանցքային նպատակն ինքնահայեցումն է, 32 տարվա պետականության, պետական կյանքի առանցքային կողմերի վերլուծությունը:
