«Հանրային ծառայությունները կարգավորող հանձնաժողովի նախագահի հետ մի քանի ամիս առաջ մենք քննարկում ունեցանք, որ «Վեոլիա Ջրին» միգուցե հնարավորություն տանք ներդրումային ծրագրեր իրականացնել այն գումարներով, որոնք ուղղվում են պետբյուջե վարձավճարի տեսքով: Ինչ-որ մեկը տեղյակ է՝ այդ նախագիծը ընդունվե՞լ է, թե՞ ոչ»:
Այս մասին այսօր՝ Երևանի քաղաքապետարանի հերթական գործակարգավարական նիստի ժամանակ, ասաց քաղաքապետ Տիգրան Ավինյանը:
Քաղաքապետի խորհրդական Կամո Արեյանը, արձագանքելով, նշեց. «Ոչ, պարոն քաղաքապետ, բայց «Վեոլիա Ջրի» գլխավոր տնօրենը 15 օր առաջ ներկայացրեց, որ զգալի պարտադիր կատարման աշխատանքների ծավալ է ներդրվելու Երևան քաղաքում: Ինչ վերաբերում է այդ նախագծին, թույլ տվեք ճշտել՝ այդ նախագիծը ընթացք ստացե՞լ է, թե՞ ոչ ու ձեզ զեկուցել»:
