Թուրքիայի իշխանությունները ԱՄՆ-ից նախազգուշացում են ստացել պատժամիջոցների տակ ընկնելու «շատ իրական ռիսկերի մասին»` Ռուսաստանին օգնելու համար։ Այս մասին ուրբաթ՝ օգոստոսի 18-ին, հայտնել է The Wall Street Journal-ը (WSJ)՝ հղում անելով իր աղբյուրին։
Հրատարակության համաձայն՝ որոշ նշաններ ցույց են տալիս, որ Ռուսաստանի դեմ պատժամիջոցների արդյունավետությունը նվազում է։
Այս առումով ԱՄՆ-ը և նրա դաշնակիցները այժմ փորձում են խստացնել սահմանափակող միջոցների կիրառումը, հատկապես այնպիսի երկրների կողմից, ինչպիսին Թուրքիան է, որը Ուկրաինայում զինված հակամարտության ֆոնին մեծացրել է առևտուրը Ռուսաստանի հետ:
Վաշինգտոնը մտավախություն ունի, որ Թուրքիան դարձել է Մոսկվայի դեմ պատժամիջոցները խախտելու «հանգույց», ըստ ԱՄՆ-ի անանուն պաշտոնյաների:
«Մենք այս հարցերի շուրջ մշտական երկխոսության մեջ ենք Թուրքիայի կառավարության հետ։ Մենք անկեղծորեն հույս ունենք խուսափել մի սցենարից, երբ որոշ թուրքական ընկերություններ կհայտնվեն պատժամիջոցների տակ»,- թերթին ասել է անանուն դիվանագետը:
Նրա խոսքով, ԱՄՆ կառավարությունը բանակցություններ է վարում ինչպես թուրքական իշխանությունների, այնպես էլ երկրի մասնավոր հատվածի հետ, որպեսզի «նրանց տեղեկացնի շատ իրական ռիսկերի մասին»։
Հրապարակման մեջ նշվում է թուրքական Beks Ship Management ընկերությունը, որը 2021 թվականից ի վեր ձեռք է բերել 37 նավ (դրանցից շատերը հին նավթատարներ), ծախսելով ավելի քան կես միլիարդ դոլար և տասնապատկելով իր նավատորմի արժեքը։
Ըստ WSJ-ի՝ Beks Ship Management-ը, իբր, այն ընկերություններից է, որոնք դարձել են «կարևոր տարր Ռուսաստանի ջանքերում՝ շարունակելու նավթ մատակարարել ամբողջ աշխարհում և ֆինանսավորել ռազմական գործողությունները Ուկրաինայում»:
Բացի այդ, հրապարակման մեջ նշվում են «պատժամիջոցների ենթարկված ռուսական բեռնատար նավերի նավահանգիստները, որոնք փոխադրում են զենք և ապրանքներ, ինչպիսիք են արևմտյան արտադրության էլեկտրոնիկա, որոնք Մոսկվային անհրաժեշտ են իր զինված ուժերի համար»:
