Հայաստանի հավաքականի եւ խորվաթական «Օսիեկի» 20-ամյա պաշտպան Ստյոպա Մկրտչյանի համար Խորվաթիայի թիմի դեմ Եվրո-2024-ի ընտրական մրցաշարի վերջին տուրի հանդիպումը (1:0) Հայաստանի ազգային հավաքականի կազմում 15-րդն էր:
Նա գերազանցեց Էդգար Մանուչարյանի և Հենրիխ Մխիթարյանի տարիքային ռեկորդը, որոնք այդ տարիքում հավաքականում հանդես եկած ֆուտբոլիստներից բոլորից շատ՝ 14-ական խաղ էին անցկացրել, հաղորդում է ՀՖՖ-ի մամուլի ծառայությունը։
Ստյոպա Մկրտչյանը Հայաստանի ազգային հավաքականում նորամուտը նշել է 2022թ. մարտի 24-ին Երևանում Չեռնոգորիայի հավաքականի հետ ընկերական խաղում։
