Արցախի խորհրդարանի նախկին պատգամավոր, ՏԿԵ նախկին նախարար Հայկ Խանումյանը քաղհայց է ներկայացրել Արցախի խորհրդարանի ընդդիմադիր «Արդարություն» խմբակցության անդամ Դավիթ Գալստյանի դեմ՝ զրպարտությունը հերքելու և փոխհատուցում վճարելու պահանջով։
Այս մասին civic.am-ը տեղեկացավ datalex.am-ից։ Հայցը Երևանի քաղաքացիական դատարան է ներկայացվել նոյեմբերի 17-ին, մակագրվել դատավոր Մարինա Տաշյանին։
Հայկ Խանումյանը մեզ հետ զրույցում չցանկացավ մանրամասներ հայտնել իր կողմից ներկայացված հայցի մասին, միայն նշեց, որ Գալստյանը եթերում է իրեն զրպարտել։
Նշենք, որ Դավիթ Գալստյանը ՀՀ վերադառնալուց հետո ակտիվ հարցազրույցներ է տալիս ընդդիմադիր ԶԼՄ-ներին, և որպես կանոն, զերծ չի մնում Արցախի ԱԺ «Միասնական Հայրենիք» խմբակցության փաստացի ղեկավար Սամվել Բաբայանին քննադատելու գայթակղությունից։
