Ինչպես հայտնում է ֆոտոլրագրող Գագիկ Շամշյանը, ՊԾ Երևան քաղաքի գնդում օպերատիվ տեղեկություններ էին ստացվել, որ Երևանում BMW X6-ի վարորդն առանց համարանիշի է ավտոմեքենան վարում։
Կարճ ժամանակում 3-րդ գումարտակի 1-ին վաշտի պարեկներ Ռաֆիկ Պողոսյանն ու Հայկ Հովսեփյանը հայտնաբերում են նշված ավտոմեքենան, որը երթևեկում էր Արշակունյաց պողոտայում։ Պարեկները հետապնդում են առանց համարանիշների BMW X6-ը և Արշակունյաց պողոտա — Քրիստափորի փողոց խաչմերուկում կանգնեցնում են այն, որից հետո ավտոմեքենան տեղափոխվում է ՊԾ Երևան քաղաքի գնդի պահպանվող հատուկ տարածք։
Ստուգմամբ ավտոմեքենայի բեռնախցիկում հայտնաբերվում են ռուսական համարանիշ, իսկ վարորդը ՌԴ քաղաքացի 38-ամյա Գոռ Դ.-ն է։
Լուսանկարները՝ Կարեն Գրիգորյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
