Բելառուսի նախագահ Ալեքսանդր Լուկաշենկոն աշխատանքային այցով մեկնել է Ռուսաստան: Լուկաշենկոն Սանկտ Պետերբուրգում կմասնակցի Եվրասիական տնտեսական բարձրագույն խորհրդի (ԵԱՏՀ) և ԱՊՀ երկրների գագաթաժողովներին:
Միջոցառումները տեղի կունենան դեկտեմբերի 25-ին և 26-ին։
«Դեկտեմբերի 25-ին Սանկտ Պետերբուրգում պետության ղեկավարը կմասնակցի Եվրասիական տնտեսական բարձրագույն խորհրդի նիստին։ Գագաթնաժողովի օրակարգում ներառված են երկու տասնյակից ավելի հարցեր, որոնք վերաբերում են նաև ԵԱՏՄ-ում ինտեգրացիոն գործընթացների հետագա զարգացման առանցքային ոլորտներին, միջազգային գործունեությանը, մակրոտնտեսական քաղաքականությանը, խոչընդոտների վերացմանն ուղղված աշխատանքներին, միության ներքին շուկայում բացառությունների և սահմանափակումների նվազեցմանը»,- ասված է հաղորդագրության մեջ։
Ավելի վաղ հայտնել էինք, որ ՀՀ վարչապետ Նիկոլ Փաշինյանը երկօրյա աշխատանքային այցով մեկնել էր Ռուսաստանի Դաշնություն:
