Եվրահանձնաժողովը հայտարարել է Ուկրաինային 1,5 միլիարդ եվրո հատկացնելու մասին և քննարկում է Կիևի՝ ԵՄ-ին միանալու ուղին։
Այս մասին X-ի (նախկին Twitter) իր էջում հայտնել է Եվրահանձնաժողովի ղեկավար Ուրսուլա ֆոն դեր Լեյենը։
Նա նաև աջակցություն է հայտնել Կիևին ուկրաինական պետության վերականգնման, վերանորոգման և ամրապնդման հարցում։
Նշելով Ուկրաինային լրացուցիչ 1,5 միլիարդ եվրո հատկացնելու մասին՝ Ուրսուլա դոն դեր Լեյենը շեշտել է հետագայում ֆինանսական օգնությունը շարունակելու մտադրության մասին։
Եվրահանձնաժողովի ղեկավարը նաև ասել է, որ Եվրամիությունը կշարունակի համագործակցել Ուկրաինայի հետ՝ համաշխարհային շուկաներ ուկրաինական գյուղատնտեսական արտադրանքի մատակարարման և տնտեսական աջակցության հարցում։
