Թուրքական ոստիկանությունը ձերբակալել է 33 մարդու՝ իսրայելական հետախուզական ծառայություններում աշխատելու կասկածանքով։ Այս մասին հայտնել է TRT Haber հեռուստաալիքը։
Ձերբակալման գործողությունն իրականացվել է երկրի ութ նահանգներում, կասկածյալների մեծ մասը ձերբակալվել է Ստամբուլում։ Մայրաքաղաքի դատախազությունը ներկայումս հետաքննում է Իսրայելի հետախուզական ծառայությունների աշխատանքը Թուրքիայում:
Դատարանը կալանքի օրդեր է տվել 46 մարդու, որոնք կասկածվում են հրեական պետության օգտին լրտեսելու մեջ։ Նրանք, ըստ հեռուստաալիքի, վերահսկել են օտարերկրյա քաղաքացիներին և ծրագրել նրանց առևանգումները։
«57 հասցեով 33 անձի բերման է ենթարկվել։ Եվս 13-ի որոնումները ընթացքի մեջ են»,- հայտնել է հեռուստաալիքը։
Դեկտեմբերի սկզբին Իսրայելը հայտարարել էր Քաթարում և Թուրքիայում ՀԱՄԱՍ-ի առաջնորդներին ոչնչացնելու պատրաստակամության մասին։ Սրան թուրքական իշխանությունները պատասխանել են, որ թույլ չեն տա Իսրայելի հետախուզական ծառայություններին գործողություններ իրականացնել Համասի դեմ։
Ավելի վաղ ՀԱՄԱՍ-ի առաջնորդները գաղտնի հանդիպել էին Թուրքիայում՝ քննարկելու Իսրայելի հետ պատերազմի հարցը:
