Թուրքիայում հոգեբուժական հիվանդանոցի հիվանդը հրկիզել է հաստատությունը։ Տեղի լրատվամիջոցների տվյալների համաձայն՝ 20 հիվանդ տարհանվել է։
27-ամյա հիվանդը այրել է 7 հարկանի մասնավոր հիվանդանոցի 4-րդ հարկի սենյակը, որտեղ գտնվել է։
Անձնակազմի ծանուցմամբ հիվանդանոց են մեկնել մարտական հաշվարկ, առողջապահության և ոստիկանության խմբեր։
Հիվանդը երկար ժամանակ հրաժարվել է սենյակից դուրս գալ, նրան փրկել են հիվանդանոցի անձնակազմի երկարատև ջանքերի արդյունքում։ Հաղորդվում է, որ հիվանդը ձերբակալվել է։
