Երևանի քաղաքապետարանի «Երքաղլույս» ընկերության տնօրեն Անդրանիկ Թևոսյանը այսօր հերթական գործակարգավարական նիստի ժամանակ տեղեկացրեց, որ ամբողջությամբ ավարտվել է Նալբանդյան փողոցի լեդավորումը։
«Վաղվանից կսկենք աշխատանքները Վարդանանց փողոցում, իսկ մյուս երկուշաբթիից Խորենացի փողոցում։ Նաև Թումանյան փողոցում կշարունակենք աշխատանքները, բայց ոչ խրամուղու փորմամբ»,- հայտարարեց Թևոսյանը հավելելով՝ 2023 թավականին մեծ լեդավորման արդյունքում դեկտեմբեր ամսին ավելացված մեկ ժամը զրոյացվել է.
«2022 թվականին տեղադրվել է 6512 լեդ, իսկ 2023-ին՝ 11 563 լեդ և մեկ ժամ երկարացրել երեկոյան լուսավորության տևողությունը, որի դեպքում սակայն չի ավելացել ծախսը։ Այս և նախորդ դեկտեմբերին լուսավորության ծախսը եղել է նույնը»:
Քաղաքապետ Տիգրան Ավինյանը հստակեցրեց. «Լեդ լամպերը, որ տեղադրել ենք, դրա հաշվին կարողացել ենք մեկ ժամ ավել լույս տալ, որը հավելյալ ծախս չի գեներացրել»:
