Լևոն Քոչարյանի գործով մեղադրանք է առաջադրվել նաև Սերգեյ Ասատուրովին։
Այս մասին «Ֆեյսբուք»-ի իր էջում հայտնել է փաստաբան Էրիկ Ալեքսանյանը՝ նշելով.
«Գործով հայտնվեց նախաքննության ավարտ և ուղարկվում է դատարան»։
Քիչ առաջ ԱԺ «Հայաստան» խմբակցության պատգամավոր Լևոն Քոչարյանն իր «ՏԵլեգրամ» ալիքում տեղեկացրել էր, որ Սերգեյ Ասատուրովի հետ գտնվում է Քննչական կոմիտեում:
Հիշեցնենք՝ 2023 թվականի սեպտեմբերի 22-ին Լևոն Քոչարյանին հասարակական կարգը խախտելու համար ՆԳՆ ոստիկանները բերման էին ենթարկել, որի ժամանակ նա դիմադրություն էր ցուցադրել և վնասվածքներ ստացել: Վերջինիս տեղափոխել էին հիվանդանոց:
Նույն օրը Քոչարյանը ձերբակալվել էր, սեպտեմբերի 25-ին՝ կալանավորվել:
Հոկտեմբերի 18-ին քննիչը և դատախազը միջնորդել էին Լևոն Քոչարյանի կալանքը 2 ամսով երկարաձգելու վերաբերյալ: Միջնորդությունը բավարարվել էր:
Ռոբերտ Քոչարյանի որդին՝ Լևոն Քոչարյանը, նոյեմբերի 6-ի ԿԸՀ արտահերթ նիստում ստանալով պատգամավորի կարգավիճակ՝ հայտնվեց «Հայաստան» խմբակցության ցուցակում հաջորդը՝ Արմեն Չարչյանի՝ պատգամավորական մանդատը վայր դնելուց և պատգամավորի թեկնածուներ Միհրդատ Մադաթյանը, Անժելա Նալբանդյանը և Գերասիմ Վարդանյանի ինքնաբացարկների դիմումներից հետո։
Վերացվել էր Լևոն Քոչարյանի կալանքը, և նա ազատ էր արձակվել:
2023 թվականի նոյեմբերի 14-ին Լևոն Քոչարյանը պաշտոնապես դարձավ ՀՀ ԱԺ պատգամավոր՝ երդվելով ԱԺ նիստերի դահլիճում:
