Երկրապահ կամավորականների միությունը տեղեկացրել է, թե որտեղ և երբ տեղի կունենան փետրվարի 13-ին հակառակորդի կրակի հետևանքով զոհված երկրապահների հոգեհանգստի և հուղարկավորության արարողությունները:
Գագիկ Վարազդատի Մանուկյանի հոգեհանգիստը տեղի կունենա փետրվարի 14-ին՝ ժամը 18։00-ից Քասախ գյուղի մշակույթի տանը։ Հուղարկավորությունը՝ փետրվարի 15-ին՝ ժամը 13։00-ին, Քասախ գյուղում։
Արսեն Գագիկի Համբարձումյանի հոգեհանգիստը տեղի կունենա փետրվարի 15-ին՝ ժամը 18։00-ից Նորք Մարաշի Ս․ Աստվածածին եկեղեցում։ Հուղարկավորությունը՝ փետրվարի 16-ին՝ ժամը 13։00-ին, «Եռաբլուր» զինվորական պանթեոնում։
Հրաչյա Թալիշի Հովհաննիսյանի հոգեհանգիստը տեղի կունենա փետրվարի 16-ին՝ ժամը 18։00-ից, Նորքի Մարաշի Ս․Աստվածածին եկեղեցում։ Հուղարկավորությունը՝ փետրվարի 17-ին՝ ժամը 13։00-ին, Ջրվեժում։
Էդուարդ Համլետի Հարությունյանի հոգեհանգստի և հուղարկավորության օրվա մասին կտեղեկացնեն ավելի ուշ։
Ավելի վաղ հայտնել էինք, որ փետրվարի 13-ին Ներքին Հանդի հատվածում տեղակայված հայկական դիրքերի ուղղությամբ Ադրբեջանի ԶՈՒ կրակի հետեւանքով զոհվել են մարտական հերթապահություն իրականացնող ԵԿՄ անդամներ:
