«Հանրապետություն» կուսակցության նախագահ Արամ Սարգսյանն անդրադարձել է Հայաստանի և Ադրբեջանի սահմանազատման հանձաժողովների հանդիպման արդյունքում ձեռք բերված պայմանավորվածությունն ու գրել․
«Սահմանազատման հանձաժողովների հրապարակած փաստաթուղթը, քաղաքական (նկատի ունեմ երկկողմը) և մասնագիտական ուսումնասիրության կարիք ունի, բայց երկու բավականին դրական և հուսադրող միտում տեսա։
Առաջին, որ խնդիրները լուծվում են ոչ թե զենքի ու ուժի գործադրմամբ, այլ բանակցություններով, մասնագիտական հանձնաժողովներով և սահմանազատմամբ։ Երկրորդ, որ նրանում որպես հիմք ընդունվում է 1991 թվականի Ալմա Աթիի հռչակագիրը, ինչին կողմ էին Հայաստանը, ԵՄ և ԱՄՆ֊ը, դեմ Ադրբեջանը և ՌԴ֊ն»։
Ավելի վաղ Հայաստանի արտաքին քաղաքական հարցերով գերատեսչությունից հայտնել են, որ պաշտոնապես սկսվում է հայ-ադրբեջանական սահմանազատման գործընթացը:
